Нормативные документы ҚМҚ 2.04.17-19
ҚМҚ 2.04.17-19, 2.5-банд
2. СУНЪИЙ ЁРИТИШ · Ёритиш тизимлари ва турлари
"Чиқиш" деган чироқли йўл кўрсаткичлари қуйидаги жойларда ўрнатилиши лозим:
овқатланиш ва мажлислар заллари, аудиториялар, конференц-заллар хоналаридан ва бошқа бир вақтнинг ўзида ичкарисида 100 дан ортиқ киши жам бўлиши мумкин бўлган хоналардан чиқиш жойлари олдида;
умумий сони 50 дан ортиқ бўлган киши доимий равишда жамланувчи хоналар туташадиган йўлаклардан чиқиш жойлари олдида;
конференц-заллар ва мажлислар заллари эстрадаларидан чиқиш жойлари олдида;
узунлиги 25 м дан ортиқ йўлаклар бўйлаб ва қаватидаги сиғими 50 кишидан ортиқ бўлган йўлаксимон типдаги ётоқхоналарда. Бунда чироқ йўл кўрсаткичлари бир-биридан 25 м дан ортиқ бўлмаган масофада, ҳамда йўлакларнинг бурилиш жойларида ўрнатилиши керак;
барча дўконларда умумий майдони 180 м² ва ундан ортиқ бўлган ҳамда ўз-ўзига хизмат кўрсатиш дўконларида – 110 м² ва ундан ортик бўлган савдо залларидан харидорлар учун чиқиш жойлари олдида.
"Чиқиш" деган чироқли йўл кўрсаткичлари эвакуация ёки авария вазиятидаги ёритиш тармоғига уланиши ва 2 м дан паст бўлмаган баландликка ўрнатилиши керак.
Чертёж
Официальный источник: Официальное издание Министерства строительства (скан PDF). Редакция: 08.06.2023. Латиница — автоматическая транслитерация, официальный текст на кириллице.