Перейти к содержимому

Нормативные документы ШНҚ 2.08.06-23

ШНҚ 2.08.06-23, 118-банд

6-боб. Давлат ихтисослаштирилган таълим муассасалари ва кўп тармоқли ихтисослаштирилган мактабгача таълим ташкилотига қўйиладиган талаблар · 3-§. Ҳажмий-режавий ечимлар ва асосий хоналар

118

Кўп тармоқли ихтисослаштирилган мактабгача таълим ташкилотларини лойиҳалашда СанҚваН 0313-14 талаблари инобатга олиниши керак.

Гуруҳ ячейкалари хоналарининг таркиби ва майдонларини 7-жадвалга мувофиқ қабул қилиниши лозим.

Гуруҳларда болалар сони 12 тадан ошмаслиги керак (алоҳида ҳолатларда тиббий ва педагогик талабларга кўра 7 — 10).

Ғилай ва амблиопияли болалар учун гуруҳларни 15 нафар бола билан тўлдиришга йўл қўйилади.

Қуйидаги ёшдагилар учун алоҳида гуруҳ ячейкалари кўзда тутилиши керак:

илк ривожланиш гуруҳи (бир ёшдан уч ёшгача);

кичик гуруҳ (уч ёшдан тўрт ёшгача);

ўрта гуруҳ (тўрт ёшдан беш ёшгача);

катта гуруҳ (беш ёшдан олти ёшгача);

мактабга тайёрлов гуруҳи (олти ёшдан етти ёшгача).

Илк ривожланиш ва кичик гуруҳлар биринчи қаватда жойлаштирилиши керак. Катта гуруҳлар учун икки-уч гуруҳга битта кириш йўлаги бўлишига йўл қўйилади.

Кўзи ожиз ва таянч-ҳаракат аппаратида нуқсонлар бўлган болалар учун гуруҳ хоналари биринчи қаватда жойлашган бўлиши лозим.

Ҳар бир гуруҳ ячейкасидан камида иккита алоҳида бўлган чиқиш йўлаклари таъминланиши керак.

Эвакуация қилиш йўлларини ушбу ШНҚ ва ШНҚ 2.08.02-23 талабларини ҳисобга олиб лойиҳалаш лозим.

Ҳар бир гуруҳ ячейкасининг хоналари бошқа гуруҳ ячейкаларидан макон жиҳатидан ажралган бўлиши лозим.

Гуруҳларнинг жамоат ва тиббий хоналар, мусиқа ва гимнастика машғулотлари учун заллар билан қулай боғланиши кўзда тутилган бўлиши керак.

Ҳар бир гуруҳ ячейкасида гуруҳ ва ухлаш хоналари ҳожатхоналар билан қулай боғланган бўлиши керак.

Катта гуруҳлар учун ҳожатхоналар қуйидагича алоҳида ўғил болалар ва қизлар учун бўлиши керак:

12 нафар болали гуруҳ учун 3-4 та унитаз;

2 та писсуар;

3-4 та қўл ювгич;

1-2 та оёқ ванналари;

1-2 та душ сеткалари.

Кўришда нуқсони бўлган, кўзи ожиз, таянч-ҳаракат аппаратида нуқсонлар бўлган болалар учун санитария узелларида тутқичлар инобатга олиниши лозим.

Ванналарни 2 гуруҳ учун ҳисобга олишга йўл қўйилади.

Кичик ёшдаги гуруҳлар учун ҳавода ўйнаш ва ухлаш учун тахминан 30 — 36 m2 майдончага эга гуруҳ верандаларини таъминлаш тавсия этилади.

Кўриш қобилияти ва таянч-ҳаракат аппаратида нуқсонлар бўлган болалар учун муассасаларда верандаларни барча ёшдаги болалар учун таъминлаш тавсия этилади.

7-жадвал
Гуруҳ ячейкалари хоналариМайдони (нуқсонлари бор болалар учун 1 ўринга) m2,
кўришдаэшитиш ва нутқидатаянч-ҳаракат аппаратида нуқсонлар бўлганинтеллектуал ривожланишида, олигофренлар
1.Кийиниш хонаси (қабулхона)1 — 0,80,8 — 1,01,20,8 — 1,0
2. Гуруҳ хонаси (ўйин, овқатланиш)3,53,0 — 3,53,5 — 4,03,5 — 4,0
3. Машғулот учун синф (хона)3,0 — 3,52,5 — 3,03,52,5 — 3,0
4. Ухлаш хонаси3,5 — 4,03,54,03,5
5. Ҳожатхона0,850,80,9-1,00,8
6. Буфет0,250,250,250,25
7. Гуруҳ машғулотлари учун логопедия хонаси-ҳар бир икки гуруҳга 2,5 — 3,0--
8. Плеопто-ортоптик хона (20 m2)икки гуруҳга---

Изоҳ: Участкада майдони 36 — 40 m2 бўлган гуруҳ учун соябонлар 4 — 6 m2 майдонли анжомлар учун омборхоналар билан бирга кўзда тутилиши лозим.

Официальный источник: lex.uz. Редакция: 05.11.2026. Латиница — автоматическая транслитерация, официальный текст на кириллице.

Мы принимаем

UzcardHumoVisaMastercard

Оплата проходит на защищённой странице платёжной системы и подтверждается по 3D Secure. Данные карты на нашем сайте не хранятся.