Зинапоя марши кенглиги зинапоя катагига чиқиш жойи кенглигидан кам бўлмаслиги ва таълим ташкилотлари биноларида сиғимидан қатъий назар, камида 1,35 m бўлиши керак.
Олий таълим ташкилотлари ўқув корпусларида (маъруза аудиториялари, лаборатория) зинапоя маршлари кенглиги камида 1,5 m бўлиши керак.
Таълим ташкилотлари биноларида зинапояларнинг маршлари ва майдончаларининг баландлиги 0.8 — 0.9 m (мактабгача таълим ташкилотларининг биноларида 0.5 m, умумий ўрта таълим ташкилотлари биноларида 0.6 — 0.7 m) бўлган тўсиқ ва қўл ушлагичлари бўлиши керак.
Мактабгача таълим ташкилотлари, умумий ўрта таълим ташкилотларининг ўқув корпусларида зинапояларнинг қўл ушлагич ва тўсиқлари қуйидаги талабларга жавоб бериши керак:
болалар фойдаланадиган зинапоялар тўсиқларининг баландлиги 1.2 m дан кам бўлмаслиги, ақлий ривожланишида нуқсони бўлган болалар учун муассасаларда тўсиқлар 1.8 m ёки бутунлай ёпиқ 1.5 m бўлиши керак;
зинапоялар тўсиғининг тик элементлари оралиқ бўшлиғи 0.1 m дан катта бўлмаслиги керак (горизонтал оралиқ бўшлиқларга бўлишга йўл қўйилмайди).
Официальный источник: lex.uz. Редакция: 05.11.2026. Латиница — автоматическая транслитерация, официальный текст на кириллице.