Йўловчи лифтлари кириш вестибюлининг соф пол сатҳи ва юқори қават пол сатҳи орасидаги масофа (юқори техник қават бундан мустасно) 13,2 m ва ундан кўп бўлган биноларда яъни 4 қаватдан юқори бўлган биноларда кўзда тутилган бўлиши керак. Зарурият бўйича ногиронлиги бўлган шахсларни ўриндиқли аравачаларда 2 ва ундан юқори қаватларга чиқишларини, ташрифчилар учун оширилган, юқори комфорт талабларини таъминлаш учун баландлиги 2 қават ҳамда ундан юқори бўлган бино ва иншоотларда лифтлар қўлланиши мумкин.
ШНҚ 2.01.02-04 ва ШНҚ 2.08.02-23 талабларига мувофиқ биноларда ёнғин-қутқарув бўлинмаларини ташиш режимига эга лифтларни ўрнатилишига йўл қўйилади.
Лифт кабинаси ўлчамлари ШНҚ 2.07.02-24 талабларига мос бўлиши керак (ногиронлиги бўлган шахсларнинг ўриндиқли аравачасини жойлаштириш ҳисобга олинган ҳолда).
(254-бандга Ўзбекистон Республикаси қурилиш ва уй-жой коммунал хўжалиги вазирининг 2026 йил 2 июлдаги 01/2-26-сон буйруғи (ҳисоб рақами 411, 25.07.2026 й.) билан ўзгартириш киритилган)
Официальный источник: lex.uz. Редакция: 05.11.2026. Латиница — автоматическая транслитерация, официальный текст на кириллице.