Ушбу ШНҚда қуйидаги атамалар ва уларнинг таърифлари қўлланилган:
товуш босими – товуш тебранишлари натижасида вужудга келувчи ҳаво босимининг ўзгарувчан таркиб топтирувчиси;
деразанинг товуш изоляцияси – шаҳар транспорти билан ҳосил қилинадиган шовқин дераза орқали хонанинг ичига узатилганда деразани ташқи шовқиндан изоляциялаш;
товуш қуввати – шовқин манбаи томонидан вақт бирлигида нурлатиладиган энергия миқдори;
ҳаво шовқинидан изоляциялаш – тўсувчи конструкциянинг у орқали ўтадиган товушни пасайтириш қобилияти;
импульсли шовқин – ҳар бири 1 s дан кам давомийликка эга бўлган ва бунда “импульс” ва “секин” вақт тавсифларида ўлчанган товуш даражалари камида 7 dBА га фарқ қиладиган бир ёки бир нечта товуш сигналларидан ташкил топадиган шовқин;
ҳаво шовқинидан изоляциялаш индекси – тўсувчи конструкция билан ҳаво шовқинидан изоляциялашни сон билан баҳолаш учун хизмат қиладиган, ҳаво шовқинидан изоляциялашнинг частотани норма спектри билан таққослаш йўли орқали аниқланадиган катталик;
товушни ютиш коэффициенти – юзадан қайтарилмаган товуш энергияси катталигининг юзага тушаётган энергия катталигига нисбати;
доимий бўлмаган шовқин – товуш даражаси шовқин ўлчагичнинг “секин” вақт тавсифида ўлчашнинг аниқлаш вақти давомида 5 dBА дан ортиққа ўзгарадиган шовқин;
суқилиб кирадиган шовқин – ҳисоблаш нуқталарига эга бўлган кенгликдан ташқарида вужудга келадиган ва бу кенгликка биноларнинг тўсувчи конструкциялари, вентиляция, ҳавони кондициялаш, сув таъминоти ва иситиш тизимлари орқали кирувчи шовқин;
реверберация – шовқин манбаи ишлашдан тўхтагандан кейин хонада товуш энергиясининг аста-секин пасайиш ҳодисаси;
ҳаво шовқинидан изоляциялашнинг частота тавсифи – 100 – 3150 Hz диапазонда частоталарнинг учдан бир октава чизиқларида (полосаларида) ҳаво шовқинидан изоляциялаш катталиги;
товуш даражаси – нормаланадиган частоталар диапазонида товуш босимининг ГОСТ 17187 бўйича шовқин ўлчагичнинг А частота тавсифи бўйича тузатилган (коррекцияланган) октава даражаларининг энергетик йиғиндиси;
товуш қувватининг даражаси – товуш қувватининг таянч товуш қувватига нисбатининг ўн карра ўнлик логарифми;
шовқиндан ҳимоя қилувчи деразалар – хонадаги нормал ҳаво алмашинишини таъминлаш билан бир вақтда товуш изоляциясини таъминлайдиган махсус вентиляцион қурилмаларга эга бўлган деразалар.
Официальный источник: lex.uz. Редакция: 04.11.2026. Латиница — автоматическая транслитерация, официальный текст на кириллице.