Codes & standards ШНҚ 2.08.06-23
ШНҚ 2.08.06-23, 107-банд
6-боб. Давлат ихтисослаштирилган таълим муассасалари ва кўп тармоқли ихтисослаштирилган мактабгача таълим ташкилотига қўйиладиган талаблар · 2-§. Биноларни жойлаштириш ва майдонларига талаблар
Эшитиш ва нутқида нуқсони бўлган болалар учун мактабгача таълим ташкилотлари ер ҳудудлари майдонларини қуйидагича қабул қилишга йўл қўйилади:
ҳар бир сиғим бирлигига 45 — 50 m2;
кўзи ожиз, кўришида нуқсони бўлган, шунингдек, ақлий ривожланишида нуқсони бўлган болалар учун — 60 m2;
таянч-ҳаракат аппаратида нуқсонлар бўлган болалар учун ҳар бир сиғим бирлигига — 65 m2.
Мактабгача таълим ташкилотларининг биноларини жойлаштиришда ушбу ШНҚнинг 6-жадвалига мувофиқ, хоналарнинг горизонт томонлари бўйича йўналтириш кўрсаткичларини ҳисобга олиш лозим.
Мактабгача таълим ташкилотларининг ҳудудида гуруҳ майдончалари ва соябонлар, умумий ўйин ҳамда жисмоний тарбия майдончалари, шунингдек хўжалик майдончаси ҳисобга олиниши керак.
Соябон майдони ҳар бир гуруҳ учун камида 36 — 40 m2 бўлиши керак.
Икки томондан тўсилган соябонларда ўйин ва боғ анжомларини сақлаш учун омборхоналар (6 m2) инобатга олиниши лозим.
Майдони 20 — 30 m2 бўлган болалар учун сунъий ҳовузларни ўрнатиш лойиҳалаш топшириғига мувофиқ белгиланиши керак.
Хўжалик майдони ҳудудида хўжалик ва техник иншоотларни ихчам (компакт) жойлаштиришни инобатга олиш лозим.
| Хоналар | Деразалар йўналиши (ориентация) | |
|---|---|---|
| оптимал | йўл қўйиладиган | |
| Гуруҳ хоналари, машғулотлар учун синфлар, логопедия хонаси, ухлаш хоналари | Ж, ЖШҚ, ШҚ | |
| Биология лабораторияси | Ж, ЖШҚ, ШҚ | ЖҒ |
| Шифокор хоналари (окулист, педиатр, психиатр), плеопто-ортоптик хона | Ш | ШҚ, ШШҚ, ШҒ |
| Расм чизиш, ҳайкалтарошлик билан шуғулланиш учун хоналар | Ш | |
| Овқатланиш блоки хоналари | Ш | |
| Тиббий муолажа хоналари, физиотерапия хоналари | Ш, ШШҚ | ШҚ, ШҒ |
Изоҳ: Жадвалда кўрсатилмаган хоналарнинг деразаларини йўналтиришда чекловлар мавжуд эмас.
Official source: lex.uz. Text as of: 05.11.2026. Latin script is an automatic transliteration; the official text is in Cyrillic.