Codes & standards ШНҚ 2.08.06-23
ШНҚ 2.08.06-23, 157-банд
7-боб. Ўрта махсус ва касбий таълим ташкилотлари · 1-§. Умумий қоидалар
Қишлоқ хўжалик соҳасидаги ўрта касбий таълим ташкилотлари ҳудудларини архитектура-режалаштириш жиҳатдан ташкил этиш ШНҚ 2.07.01-23 ва ШНҚ 2.07.04-19 га мувофиқ ўқув полигонлари ва ўқув хўжаликлари, ёрдамчи техник иншоотларни жойлаштириш бўйича технологик асослашларни ҳисобга олган ҳолда амалга оширилиши керак.
Ўқув хўжаликларини режавий ташкил этиш лойиҳалаш топшириғи ва технологик ечим бўйича бажарилиши лозим.
Қишлоқ хўжалик соҳасидаги бошланғич касбий ва ўрта касбий таълим ташкилотлари таркибида лойиҳалаш топшириғи бўйича қуйидагилар кўзда тутилади:
ўқув чорвачилик;
отчилик фермалари;
парранда фермалари;
ўқув асаларичилик хўжаликлари;
хом ашёга бирламчи ишлов бериш бўйича кичик корхоналар.
бошланғич касбий ва ўрта касбий таълим ташкилотларининг асосий ҳудудидан алоҳида жойлаштирилган (5 km ва ундан кўп масофада) ўқув хўжаликлари таркибида қуйидаги асосий ҳудудлар инобатга олиниши лозим:
ўқув-маиший;
омборхона;
таъмирлаш;
қишлоқ хўжалиги техникаси учун тураргоҳлар;
ўқув полигонлари;
ўқув фермалари ва бошқалар.
Кўрсатилган зоналар таркибида қуйидагилар жойлаштирилиши лозим:
ўқув-маиший корпус;
омборхона иншоотлари;
қишлоқ хўжалиги техникасини таъмирлаш устахонаси;
қишлоқ хўжалиги техникаси учун тураргоҳлар (соябонлар билан, очиқ);
ўқув фермалари.
Корпуслар ва иншоотлар таркиби лойиҳалаш топшириғи бўйича белгиланиши керак.
(157-бандга Ўзбекистон Республикаси қурилиш ва уй-жой коммунал хўжалиги вазирининг 2026 йил 2 июлдаги 01/2-26-сон буйруғи (ҳисоб рақами 411, 25.07.2026 й.) билан ўзгартириш киритилган)
Official source: lex.uz. Text as of: 05.11.2026. Latin script is an automatic transliteration; the official text is in Cyrillic.