Codes & standards ШНҚ 2.08.06-23
ШНҚ 2.08.06-23, 166-банд
7-боб. Ўрта махсус ва касбий таълим ташкилотлари · 3-§. Ҳажмий-режавий ечимлар ва асосий хоналар
Ўқув хоналари, лабораториялар таркиби ва майдонлари ўқув режаси бўйича хоналар, лабораторияларнинг ҳисобий ўқув юкламаси ҳамда 2-жадвалда келтирилган хоналар ва лабораторияларда 1 ўқувчига тўғри келадиган солиштирма майдоннинг ҳисобий нормаларига мувофиқ белгиланиши керак.
164. Ўрта махсус таълим ташкилотларининг ўқув хоналари ва лабораторияларининг умумий сони, ўқув гуруҳларининг жуфт хоналари ва лабораторияларда кичик гуруҳларга бўлиниш имкониятини ҳисобга олган ҳолда, ўқув гуруҳларини оқилона жойлаштиришни таъминлаши керак.
165. Касбий таълим ташкилотларининг хоналари ва лабораториялари 2-жадвал бўйича 1 талабага тўғри келадиган майдонни ҳисобга олган ҳолда, ўқув режалари ва ўқитиш жараёнини ташкил этиш талаблари бўйича мутахассисликлар тўпламига мувофиқ кўзда тутилади.
Бошланғич касбий ва ўрта касбий таълим ташкилотларида умумтаълим ва махсус ўқитиш цикллари учун ўқув хоналар сони, ўқув вақти ҳажмининг 40 — 35 фоизи устахоналар, тажриба участкалари, фермалар, ишлаб чиқариш корхоналарида касбий амалий ўқитишга ажратилганлигини (ўқув вақтининг муайян соатлар нисбати ўқув режалари бўйича белгиланади) ҳисобга олиб, ўқув вақти ҳажмининг тахминан 60 — 65 фоизи ва ўқувчилар сони бўйича умумий сиғимнинг 2/3 қисми учун ҳисобланиши керак.
166. Ўқув хоналарда жиҳозлар ва техник воситаларни жойлаштириш технологик талаблар бўйича (хавфсизлик, санитария-гигиена талабларини ҳисобга олган ҳолда) белгиланиши лозим.
(166-бандга Ўзбекистон Республикаси қурилиш ва уй-жой коммунал хўжалиги вазирининг 2026 йил 2 июлдаги 01/2-26-сон буйруғи (ҳисоб рақами 411, 25.07.2026 й.) билан ўзгартириш киритилган)
| Хоналар номланиши | Майдон, m2 | |
|---|---|---|
| ҳисоб бирлигига | хоналар | |
| 1 | 2 | 3 |
| Умумтаълим турдаги синф ва ўқув хоналари: | ||
| синфда 30 ўқувчига | 2,0 | 60 |
| ўрта махсус, касбий таълим ташкилотларида гуруҳда 30 нафар ўқувчи бўлганда | 2,0 | 60 |
| шунинг ўзи, 1/2 гуруҳ (15 ўқувчи) | 2,5 | 37,5 |
| олий таълим ташкилотларида, кадрларни қайта тайёрлаш ва уларнинг малакасини ошириш бўйича давлат таълим ташкилотларида — 24-25 талабага (тингловчига) | 2,2 — 2,4 | 54 — 60 |
| шунинг ўзи, 1/2 гуруҳ — 12 талаба | 3,0 — 3,3 | 36 — 40 |
| Умумий ўрта таълим ташкилотларида расм, чизмачилик, мусиқа фанлари учун хоналари: | ||
| 30 ўқувчига | 2,4 | 72 |
| Махсус касбий-техник йўналишли лаборатория ва хоналар: | ||
| ўрта махсус, касбий таълим ташкилотларида ўқувчилар гуруҳлари учун | 2,0 — 2,4 | 66 — 72 |
| шунинг ўзи , 1/2 гуруҳга | 4,4 — 4,8 | 66 — 72 |
| олий таълим ташкилотларида 1/2 гуруҳ ҳисобида | 5,0 — 6,0 | 60 — 72 |
| Лингафон хоналари: | ||
| ҳамма таълим ташкилотларида 1/2 гуруҳга (синфга) ҳисоблаганда | 3,0 — 3,3 | 50 |
| олий таълим ташкилотларида 1/2 гуруҳ ҳисобида | 3,0 — 5,0 | 50 — 60 |
| Информатика хонаси | 2,5 | - |
| Курс лойиҳаси ва малакавий битирув ишларини бажариш заллари | 3,6 | - |
| Умумий ўрта таълим ташкилотлари устахоналари (1/2 синф ҳисобидан): | ||
| металлга, ёғочга ишлов бериш, меҳнатнинг техник тури бўйича универсал, металл ва ёғочга ишлов бериш бўйича қўшма устахоналар; | 4,5 — 6 | 76 — 100 |
| кулинария ва матоларга ишлов бериш | 3,0 — 4,5 | 50 — 60 |
(2-жадвалга Ўзбекистон Республикаси қурилиш ва уй-жой коммунал хўжалиги вазирининг 2026 йил 2 июлдаги 01/2-26-сон буйруғи (ҳисоб рақами 411, 25.07.2026 й.) билан ўзгартириш киритилган)
Изоҳлар:
1. Лабораториялар ва устахоналар учун ускуна габаритлари ва технологик ўтиш жойларини ҳисобга олиш лозим.
2. Ҳавони кондициялаштириш тизими мавжуд бўлмаганда ўқув хоналари ва аудиторияларда ҳаво муҳитининг ҳажми камида 5 m3/кишини ташкил қилиши керак.
Official source: lex.uz. Text as of: 05.11.2026. Latin script is an automatic transliteration; the official text is in Cyrillic.