Skip to content

Codes & standards ШНҚ 2.08.06-23

ШНҚ 2.08.06-23, 205-банд

11-боб. Эвакуация йўллари

205

Мактабгача таълим ташкилотларининг ҳар бир гуруҳ ячейкасидан камида иккита, алоҳида жойлаштирилган чиқиш жойларини ҳисобга олиш лозим. Бошқа мақсадлар учун мўлжалланган хоналардан эвакуация йўллари болалар учун мўлжалланган хоналар орқали ўтмаслиги керак. Эвакуация йўлларини ташкил қилиш ушбу ШНҚнинг 220-банди ва 13-жадвали кўрсаткичларига мувофиқ келиши керак (эвакуация йўллари бўйича масофа).

Умумий турдаги ва соғломлантириш муассасаларнинг илк ривожланиш гуруҳлари ҳар бир гуруҳ ячейкасига алоҳида кириш жойини ташкил қилиш билан биринчи қаватга жойлаштирилиши керак (катта ясли гуруҳлари учун 2 та гуруҳ учун йўл қўйилади). Мактабгача таълим гуруҳлар учун учта-тўртта гуруҳлар ячейкасига битта умумий кириш жойини кўзда тутишга йўл қўйилади.

Бир ёки икки гуруҳни биринчи қаватда ва бошқа гуруҳларни иккинчи қаватда жойлаштиришда тўртта гуруҳ учун битта кириш жойи бўлишига йўл қўйилади.

Гуруҳлар ячейкасидан иккинчи эвакуация чиқиш жойлари тўғридан тўғри ташқарига ёки умумий коридорлар орқали ҳамда тўғридан тўғри ташқарига ёки зинапоя катагига олиб борувчи коридорга чиқадиган чиқиш жойи бор қўшни хоналар орқали кўзда тутилишига йўл қўйилади.

5 — 7 ёшли мактабгача таълим ёшидаги болалар учун иккинчи қаватдан ташқи зинапоя орқали (гуруҳ хоналари ёки жисмоний тарбия ва мусиқа машғулотлари учун универсал заллардан) эвакуация чиқиш жойини ҳисобга олишга йўл қўйилади.

Ихтисослаштирилган муассасаларда мактабгача ёшдаги болалар — кўзи ожиз, таянч-ҳаракат аппаратида нуқсонлар бўлган, ақлий ривожланишида нуқсони бўлган болалар учун гуруҳ ячейкалари кўпи билан икки гуруҳга битта ташқи кириш жойи ва қўшимча эвакуация чиқиш жойлари билан биринчи қаватда жойлаштирилиши керак.

Эшитиш ва нутқида нуқсони бўлган болалар учун мактабгача таълим гуруҳларини иккинчи қаватда жойлаштиришга йўл қўйилади. Бунда, эвакуация чиқиш жойларини умумий турдаги муассасалар учун қандай бўлса, шундай ҳал этилиши лозим.

Ташқаридан кириш жойларининг тамбурлари кенглиги ва чуқурлиги камида 1,6 m бўлиши керак.

13-жадвал
Бинонинг оловга бардошлилик даражасиМасофа, m да, эвакуация пайтида одамлар оқимининг зичлиги*, киши /m2
2 гача2 дан кўп 3 гача3 дан кўп 4 гача4 дан кўп 5 гача5 дан кўп
123456
А. А. Зинапоя катаклари ёки ташқарига чиқиш жойлари оралиғида жойлашган хоналардан
I — III6050403520
IV4035302518
Б. Боши берк коридор ёки холлга чиқадиган хоналардан
I — III3025201510
IV201515107

(13-жадвал «Изоҳ» қисмига Ўзбекистон Республикаси қурилиш ва уй-жой коммунал хўжалиги вазирининг 2026 йил 2 июлдаги 01/2-26-сон буйруғи (ҳисоб рақами 411, 25.07.2026 й.) билан ўзгартириш киритилган)

* Хонадан эвакуация қилинаётганлар сонини эвакуация йўлидаги коридор майдонига нисбати.

Изоҳ: Масофа қуйидаги бинолар учун қабул қилиниши лозим: мактабгача таълим ташкилотлари 6-устун бўйича; умумий ўрта, ўрта махсус таълим ташкилотлари, касбий таълим ташкилотлари 3-устун бўйича.

Official source: lex.uz. Text as of: 05.11.2026. Latin script is an automatic transliteration; the official text is in Cyrillic.

We accept

UzcardHumoVisaMastercard

Payment takes place on the payment system’s protected page and is confirmed with 3D Secure. Card details are not stored on our site.