Таълим ташкилотлари биноларида табиий ва сунъий ёритиш ШНҚ 2.01.05-24 ва ШНҚ 2.08.02-23 га мувофиқ лойиҳалаш лозим.
Таълим ташкилотлари биноларида дераза ойналарини энергия тежамкор, паст эмиссияли қопламалар билан қопланган бўлиши лозим.
Одамлар доимо бўлишига мўлжалланган хоналарни табиий ёритиш ва шамоллатиш очиладиган тавақаси ва фрамугалари бор деразалар орқали таъминланиши лозим.
Коридор-рекреациялар ҳамда 50 нафар ва ундан ортиқ кишини эвакуация қилиш учун мўлжалланган коридорлар тавақаси очиладиган деразалардан табиий ёритишга эга бўлиши керак.
Энергияни тежаш мақсадида ички коридорлар, холларни ойналанган пардеворлар орқали иккинчи ёруғлик билан ёритишни кўзда тутишга йўл қўйилади. Бунда, танланган ойналаш ёки тарам — тарам юзали ойна қопламаларини қўллаш ҳисобига визуал изоляция таъминланиши керак.
Табиий ёритишсиз мактабгача таълим ташкилотларининг буфетлари, ходимлар хоналари, овқатланиш блокининг ошхона идиш-товоғини ювиш хоналарини лойиҳалаштиришга йўл қўйилади
Табиий ёритиш бўлмаган хоналарда мустақил қувват манбалардан фавқулодда ёритишни ва ШНҚ 2.04.05-22 бўйича тегишли шамоллатишни таъминлаш лозим.
Юқорида санаб ўтилган хоналарда (табиий ёритиш бўлмаслиги мумкин бўлган) фақат иккинчи ёруғлик билан ёритишга йўл қўйилади.
Official source: lex.uz. Text as of: 05.11.2026. Latin script is an automatic transliteration; the official text is in Cyrillic.