Skip to content

Codes & standards ШНҚ 2.08.06-23

ШНҚ 2.08.06-23, 99-банд

6-боб. Давлат ихтисослаштирилган таълим муассасалари ва кўп тармоқли ихтисослаштирилган мактабгача таълим ташкилотига қўйиладиган талаблар · 2-§. Биноларни жойлаштириш ва майдонларига талаблар

99

Давлат ихтисослаштирилган таълим муассасалари ва кўп тармоқли ихтисослаштирилган мактабгача таълим ташкилотининг майдонлари кўкаламзорлаштириш ва суғориш тизимига, автомобил ўтадиган йўллар қаттиқ қопламаларга эга бўлиши, йўлкалар ва майдончаларга тош ётқизилган бўлиши, ҳавонинг зарур намлиги таъминланиши, ўриндиқлар ва ичимлик фавворалари бўлган дам олиш жойларининг қурилиши, қулай дам олиш ва жисмоний тарбия майдончалари, шунингдек чиқинди қутилари билан жиҳозланган бўлиши керак.

Давлат ихтисослаштирилган таълим муассасалари ва кўп тармоқли ихтисослаштирилган мактабгача таълим ташкилоти майдонида жойлаштирилиши мумкин бўлган иншоотлар ва ҳудуд элементларининг таркиби қуйидагилардан иборат бўлиши керак:

гуруҳ (сайр қилиш) майдончалари;

гуруҳ майдончаларидаги соябонлар;

ҳаракатчан ўйинлар учун жисмоний тарбия-соғломлаштириш майдончалари;

югуриш йўлакчаси (камида 30 m);

2х4 m ли сакраш учун чуқур;

гимнастика анжомларини жойлаштириш учун майдонча;

спорт ўйинлари учун майдончалар;

очиқ бассейнлар;

хўжалик майдончаси.

Майдонлардаги ҳаракатланиш йўлларининг параметрлари ШНҚ 2.07.02-24 га мувофиқ бўлиши (шу жумладан, йўллар кенглиги, қопламалар, нишаблар, зинапоялар ва пандусларнинг ўрнатилиши) керак.

Бино ва иншоотларга келадиган машина йўллари қаттиқ қопламали, кенглиги камида 3 m бўлиши керак.

Деразалар ва бинога кириш жойларидан чиқиндилар контейнерлари турган майдонча ҳамда ҳовлидаги ҳожатхонагача масофа камида 25 m бўлиши керак.

Майдонларнинг тўсиқлари назорат қилинадиган киришлар ва машиналар кириш учун йўллар бўлиши керак.

Тўсиқлар типи ва баландлиги маҳаллий шароитлардан келиб чиқиб, лойиҳалаш топшириғи билан белгилаш лозим.

(99-бандга Ўзбекистон Республикаси қурилиш ва уй-жой коммунал хўжалиги вазирининг 2026 йил 2 июлдаги 01/2-26-сон буйруғи (ҳисоб рақами 411, 25.07.2026 й.) билан ўзгартириш киритилган)

Official source: lex.uz. Text as of: 05.11.2026. Latin script is an automatic transliteration; the official text is in Cyrillic.

We accept

UzcardHumoVisaMastercard

Payment takes place on the payment system’s protected page and is confirmed with 3D Secure. Card details are not stored on our site.