Maxfiylik siyosati
Bu sahifa bimfab.uz saytida qaysi ma’lumotlar yig‘ilishi, nima uchun ishlatilishi va qanday saqlanishini tushuntiradi.
Qanday ma’lumotlar yig‘iladi
- Ro‘yxatdan o‘tishda: ism, familiya, telefon, email, kasb, shahar va parol (parol shifrlangan holda saqlanadi).
- Arizalar va xabarlarda: siz yozgan ism, telefon, email, Telegram va matn.
- Testlarda: natijalaringiz va topshirilgan vaqt.
- Kirish holatini eslab qolish uchun brauzer cookie fayllari.
Nima uchun ishlatiladi
- Kabinetingiz, test natijalari va yopiq materiallarni ko‘rsatish uchun.
- Ariza va xabarlaringizga javob berish uchun.
- Roziligingiz bilan — mutaxassislar reytingida ko‘rsatish uchun.
Ma’lumotlaringiz sotilmaydi va reklama uchun uchinchi shaxslarga berilmaydi.
Qayerda saqlanadi
Ma’lumotlar O‘zbekiston hududidagi serverda saqlanadi. Videolar YouTube orqali ko‘rsatiladi (youtube-nocookie.com) — bu xizmatning o‘z qoidalari bor.
Huquqlaringiz
Ma’lumotlaringizni ko‘rish, o‘zgartirish (kabinetda) yoki hisobingizni butunlay o‘chirishni so‘rashingiz mumkin. Buning uchun «Aloqa» sahifasi orqali yozing.
NORMA plagini
- Litsenziyani tekshirish uchun: hisob emaili, kompyuter belgisi (qurilmani ajratish uchun), plagin va Revit versiyasi, tekshiruv vaqti.
- «Statistikam» (shaxsiy ish vaqti) ma’lumotlari faqat sizning kompyuteringizda saqlanadi va serverga yuborilmaydi.
- Model ichidagi ma’lumot (chizmalar, elementlar) serverga yuborilmaydi.
BIMFab Pulse
Pulse faqat tashkilotingiz uni ulagan va siz plagin oynasida «Tushundim» ni bosgan bo‘lsangiz ishlaydi. Shundan keyin Revit ochiq paytda quyidagilar yuboriladi:
- Revit oynasi oldinda turgani yoki yo‘qligi;
- oxirgi sichqoncha yoki klaviatura harakatidan beri o‘tgan vaqt va harakatsiz oraliqlar;
- ochiq fayl nomi va o‘zgartirilgan elementlar soni;
- siz tanlagan holat (tanaffus, uchrashuv va boshqalar).
Ekran rasmi, yozilgan matn va parollar olinmaydi. Ma’lumotni tashkilotingiz administratori va siz o‘zingiz ko‘rasiz; BIMFAB administratori texnik yordam uchun ocha oladi. Ma’lumot 12 oy saqlanadi.
To‘lovlar
Onlayn to‘lov to‘lov tizimi (masalan, Uzum Bank, Click, Payme) sahifasida amalga oshiriladi. Karta raqami va SMS kod bizga berilmaydi va saytda saqlanmaydi. Bizda faqat to‘lov summasi, sanasi, holati va to‘lov tizimi bergan tranzaksiya raqami saqlanadi.
Saytga tashriflar statistikasi
Saytdan qanday foydalanilayotganini bilish uchun o‘z statistikamizni yuritamiz: qaysi sahifa ochilgani va qachon, qurilma turi (kompyuter, telefon, planshet), brauzer va operatsion tizim nomi, qaysi saytdan o‘tilgani hamda IP manzil bo‘yicha aniqlangan mamlakat va shahar.
IP manzilning o‘zi saqlanmaydi, buning uchun cookie ishlatilmaydi va ma’lumot tashqi statistika xizmatlariga (Google Analytics, Yandex Metrika va boshqalar) yuborilmaydi. Bir kunda bir qurilmani bir marta sanash uchun IP va brauzer ma’lumotidan tasodifiy kalit bilan bir tomonlama kod hosil qilinadi; kalit har kuni yangilanadi va eskisi o‘chiriladi — shuning uchun koddan IP manzilni tiklab ham, turli kunlardagi tashriflarni bog‘lab ham bo‘lmaydi. Yozuvlar 400 kundan keyin o‘chiriladi.
Joylashuv IP Geolocation by DB-IP bazasi bo‘yicha taxminan (shahar aniqligida) aniqlanadi.
NORMA plagini (Revit) litsenziyasi
NORMA plaginida ro‘yxatdan o‘tganingizda ism, familiya, telefon, email, kasb, shahar va (agar yozsangiz) tashkilot hamda rozilik berilgan vaqt saqlanadi. Litsenziya ishlashi uchun kompyuter kodi (plagin hosil qiladigan NRM-… ko‘rinishidagi kod), plagin versiyasi va oxirgi tekshiruv vaqti, Pro to‘lovlari bo‘yicha esa summa, usul va muddat saqlanadi.
Suiiste’molning oldini olish uchun (kod so‘rash va noto‘g‘ri urinishlar chegarasi) plagin so‘rovlari jurnalida IP manzil saqlanadi va 90 kundan keyin o‘chiriladi; jurnal yozuvlarining o‘zi 1 yildan keyin o‘chiriladi. Bu ma’lumotlar faqat litsenziyani yuritish va siz bilan bog‘lanish uchun ishlatiladi, uchinchi shaxslarga berilmaydi.
NORMA hisobingiz va unga bog‘liq ma’lumotlarni o‘chirishni «Aloqa» sahifasi orqali so‘rashingiz mumkin. Saytdagi shaxsiy kabinetda NORMA holatini ko‘rish uchun email bir martalik kod bilan tasdiqlanadi.
Ishga takliflar (reyting)
Tashkilot reytingdagi mutaxassisga taklif yuborsa, taklif (tashkilot nomi, mas’ul shaxs, telefon, email va matn) mutaxassisning emailiga va shaxsiy kabinetiga yuboriladi. Mutaxassisning telefoni, emaili va CV’dagi Telegrami tashkilotga faqat u «Qiziqaman» tugmasini bosganda yuboriladi; «Rad etaman» bosilsa — faqat javob.
BIMFab Konsept va BIMFab 4D ilovalaridan foydalanish statistikasi
Ilovalarni yaxshilash uchun qaysi bosqichlardan foydalanilayotganini sanaymiz: ilova ochildi, ishga tushdi, qaysi qadamga yetildi, qanday turdagi fayl yuklab olindi (masalan, «PDF planshet» yoki «Excel grafik») va loyiha saqlandi. Sizning fayllaringiz, IFC model, loyiha nomi, uchastka joylashuvi va yuklab olingan fayllarning nomi bizga yuborilmaydi.
IP manzil saqlanmaydi va cookie ishlatilmaydi — qurilma tashriflar statistikasidagi kabi har kuni yangilanadigan kalit bilan sanaladi. Saytga kirgan bo‘lsangiz, hodisa hisobingizga bog‘lanadi. Yozuvlar 400 kundan keyin o‘chiriladi.