Veb · qurilish grafigi
BIMFab 4D
Revit modelidan qurilish grafigi — kunma-kun 3D
IFC faylni brauzerda oching — dastur ishlar grafigini tuzadi, muddat va ishchilar sonini normalar bo‘yicha hisoblaydi, binoni kunma-kun ko‘rsatadi va kalendar grafikni ШНҚ 3.01.01-22, 5-ilova shaklida chiqaradi.
4D ni ochish ↗Bepul sinov · fayl serverga yuklanmaydi · kompyuter, telefon, planshetQo‘llanma
6 qadam — har birida ekran rasmi. «Videoda» tugmasi videoning shu joyini ochadi.
-
IFC faylni oching
Revit’da modelni IFC formatiga eksport qiling va «IFC ochish» yoki «Fayl tanlash»ni bosing — bir nechta bo‘lim bo‘lishi mumkin (AR, KJ, OV, VK, EOM). Fayl brauzerning o‘zida o‘qiladi, serverga yuklanmaydi. Avval sinab ko‘rish uchun namunaviy loyihani oching — ro‘yxatdan o‘tish shart emas; o‘z faylingiz uchun saytga kiring. Revit eksportida «Разделить стены, колонны, воздуховоды по уровню» va «Экспорт основных величин» yoqilgan, barcha bo‘limlarda koordinata bazisi bir xil bo‘lsin.
-
Ishlar grafigi modeldan
Dastur elementlarni bo‘lim, tur va qavatlarga ajratib, ishlar ro‘yxatini va bog‘lanishlarni o‘zi tuzadi: tayyorgarlik, kotlovan, poydevor, har qavat karkasi, devorlar, deraza-eshiklar, tom, muhandislik tarmoqlari, pardoz va obodonlashtirish. Ish nomi, muddati va qaysi ishdan keyin boshlanishi (FS, SS, FF va kechikish) o‘ng panelda o‘zgartiriladi.
-
Avto-reja: muddat va ishchilar
«Avto-reja» modeldagi hajmni resurs-smeta normalari (ШНК 4.02 qurilish, ШНК 4.17 montaj; 2023 yildan tavsiyaviy) bilan ko‘paytirib, har ish uchun mehnat sarfi, ishchilar soni va kunlarni hisoblaydi. Ikki rejim: ishchilar soni bo‘yicha yoki tugash sanasi bo‘yicha. Beton qotishi tanaffusi (karkasdan keyin devorlar) va smenalar hisobga olinadi; qo‘lda kiritgan sonlaringiz ustun bo‘ladi.
-
Kunma-kun 3D, reja va fakt
Vaqt chizig‘ini suring yoki ▶ ni bosing — model shu kungi holatda: qurilgan, jarayonda va hali qurilmagan elementlar alohida rangda. «Fakt» rejimida haqiqiy sanalarni kiritasiz — kechikish va prognoz ko‘rinadi; kritik yo‘l grafikda belgilanadi. Yuqori qavat elementlari pastdagi karkasdan oldin qurilsa, dastur ogohlantiradi va «Tuzatish»ni taklif qiladi.
-
Kesim va bino ichida yurish
X-Y-Z kesim qutisi bilan binoni istalgan tomondan kesib ko‘rasiz, nuqta koordinatalari ko‘rsatiladi. «Piyoda» va «Uchish» rejimlarida bino ichida yurasiz: klaviaturada WASD va sichqoncha, telefonda — joystik.
-
Kalendar grafik — Excel va PDF
Kalendar grafik ШНҚ 3.01.01-22, 5-ilova (1-shakl) bo‘yicha: ish hajmlari, mehnat sarfi, mashinalar, davomiylik, smena, ishchilar soni, brigada tarkibi va dekadalar bo‘yicha grafik — Excel (.xlsx) va chop etish (PDF). Grafikni saqlab, keyin davom ettirasiz: bitta hisobda 3 ta loyiha («Loyihalarim»).
Natijada nima olasiz
Namunaviy loyiha — 10 qavatli ofis binosi: Avto-reja qo‘llangandan keyin chiqarilgan kalendar grafik, barcha varaqlari.
Kalendar grafik — chop etish
ШНҚ 3.01.01-22, 5-ilova, 1-shakl: ish hajmlari, mehnat sarfi, mashinalar, davomiylik, ishchilar, brigada tarkibi, dekadalar bo‘yicha grafik va ishchi kuchi harakati.
Savol-javob
IFC fayl serverga yuklanadimi?
Yo‘q. Fayl brauzeringizda ochiladi. Saqlaganingizda serverga faqat grafik (ishlar, muddatlar, bog‘lanishlar) yoziladi — modelning o‘zi emas.
Muddatlar qanchalik aniq?
Mehnat sarfi normalar bo‘yicha hisoblanadi, lekin natija tavsiyaviy: model sifati, ishchilar soni va obyekt sharoitiga bog‘liq. Har bir obyekt uchun mutaxassis tekshiradi va kerak bo‘lsa qo‘lda tuzatadi.
Texnika soni ham hisoblanadimi?
Mashina soatlari normadan chiqadi; mashinalar soni hozircha yer ishlarida (ekskavator) hisoblanadi. Kran va boshqa texnikani qo‘lda kiritasiz.
Telefonda ishlaydimi?
Ha — telefon va planshetda ham ochiladi; bino ichida yurish uchun ekranda joystik bor. Katta modellar uchun kompyuter qulayroq.
BIMFab 4D’ni hozir sinab ko‘ring
Bepul sinov · fayl serverga yuklanmaydi · kompyuter, telefon, planshet






