Normativ hujjatlar ШНҚ 2.01.02-04
ШНҚ 2.01.02-04, 1-илова, 5.15-банд
1-илова. Баланд биноларни ёнғиндан ҳимоя қилиш · 5. Одамларни бинодан эвакуация қилиш
Бино баландлиги бўйича ҳар қандай зонага хизмат қиладиган йўловчи лифтлар гуруҳларининг ҳар бирида ёнғин лифтлари мавжуд бўлиши шарт. Ёнғин-қутқарув бўлинмаларини ташишга мўлжалланган ушбу лифтлар бинода йўловчилар оқимларига хизмат кўрсатадиган йўловчи лифтлардан алоҳида жойлаштирилиши зарур.
Баланд бинонинг турар жой ва офис қисмларидаги вестибюль зонасида алоҳида лифтлар кўзда тутилган бўлиши, қайсики ёнғин юз берганда лифтга чиқиш қаватига кўтарилади ва эшиклари очиқ ҳолада тўхтайди ҳамда махсус калит ёрдамида “Ёнғин-қутқарув бўлинмаларини ташиш” режимига ўтказилади.
Бино (иншоот) ичида ёнғин-қутқарув бўлинмаларини ташувчи лифтларни ёнғин-қутқариш бўлинмалари ҳаракатланадиган йўлларда жойлаштирилиши кўзда тутилган бўлиши ва ёнғин-қутқарув бўлинмалари барча қаватлардаги ҳамма хоналарга кира олишларини таъминлаши лозим. Лифтдан бевосита яқин жойда ёнғин-қутқарув бўлинмалри учун, қоидага кўра, эвакуация қилиш зина катакларига чиқиш жойи назарда тутилиши лозим.
Rasmiy manba: lex.uz. Matn holati: 25.05.2026. Lotin yozuvi — avtomatik o‘girilgan, rasmiy matn kirill yozuvida.