Asosiy qismga o‘tish

Normativ hujjatlar ШНҚ 2.01.04-18

ШНҚ 2.01.04-18, 1.6-банд

1. УМУМИЙ ҲОЛАТЛАР

1.6

Ташқи тўсиқлар учун бир қатламли ва кўп қатламли конструкциялардан фойдаланиш тавсия этилади.

Кўп қатламли тўсувчи конструкциялардан фойдаланишда энг яхши экспуатацион хоссаларни таъминлаш учун, уларнинг ички томонида иссиқлик ўтказувчанлиги юқорироқ ва буғ ўтказувчанликка қаршилиги баландроқ бўлган қатламларни жойлаштириш керак. Самарали иссиқлик изоляцияловчи материаллардан тайёрланган иссиқ тутувчи қатламни тўсувчи конструкциянинг ташқи томонида ёки ўрта қисмида жойлаштириш лозим.

Тўсувчи конструкцияларнинг иссиқлик изоляцияловчи қатламларида қуруқ ҳолатдаги материалларнинг иссиқлик ўтказувчанлик коэффициенти одатда 0,14 Вт (м °С)дан ошмаган бўлиши керак.

Бир қатламли ва кўп қатламли тўсувчи конструкциялар учун ячейкали бетонлар ва ғовакли тўлдиргичли бетонларни қўллаш тавсия қилинади. Бунда уларнинг зичлиги:

а) кам қаватли бинолар учун 1000 кг/м³ ни ва каркасни тўлдириш учун 400-800 кг/м³ ни ташкил қилади, бунда сейсмик юкламаларни қабул қилишда қатнашмайдиган тўлдирма учун ҚМҚ 2.01.03-96 талабларини ҳисобга олиш лозим;

б) томёпмалар ва чордоқ ораёпмалари учун ҚМҚ 2.03.10-05га мувофиқ 400-600 кг/м³ ни ташкил қилади.

Хоналари қуруқ ёки нормал режимда бўлган бино ва иншоотларнинг ташқи деворларида баландлиги қават баландлигидан ва 6 м дан ошмайдиган шамоллатилмайдиган (берк) ҳаво қатламлари ва каналлардан фойдаланишга рухсат этилади.

Rasmiy manba: Qurilish vazirligining rasmiy nashri (skan PDF) va 01/2-5-son buyruq (PDF). Matn holati: 04.11.2026. Lotin yozuvi — avtomatik o‘girilgan, rasmiy matn kirill yozuvida.

Qabul qilamiz

UzcardHumoVisaMastercard

To‘lov bank yoki to‘lov tizimining himoyalangan sahifasida amalga oshadi va 3D Secure bilan tasdiqlanadi. Karta ma’lumotlari saytimizda saqlanmaydi.