Asosiy qismga o‘tish

Normativ hujjatlar ШНҚ 2.08.06-23

ШНҚ 2.08.06-23, 112-банд

6-боб. Давлат ихтисослаштирилган таълим муассасалари ва кўп тармоқли ихтисослаштирилган мактабгача таълим ташкилотига қўйиладиган талаблар · 2-§. Биноларни жойлаштириш ва майдонларига талаблар

112

Тарбияланувчиларнинг турли ёшдаги гуруҳлари учун дам олиш зонаси, рекреацион ва ўйин майдончаларини ўқув турар жой ячейкаларидан, ўқув хоналари блокларидан чиқишлар билан қулай боғланишларни ҳисобга олган ҳолда жойлаштириш лозим.

Рекреацион майдончаларнинг 30 фоизга яқини кенглиги 4 — 6 m бўлган сайр қилиш йўлагини ҳосил қилувчи соябонлар билан ҳимояланиши керак. Соябонлар қопламасини шаффоф материаллардан тайёрлашга йўл қўйилади.

Рекреацион ўйин майдончалари ҳар хил турдаги ускуналар билан жиҳозланган бўлиб, камида 6 m кенгликда бўлиши керак.

Соябонли майдончалар ҳар бир гуруҳ ёки синф учун (12 киши) тахминан 40 m2 ни ташкил қилиши керак.

Ҳар бир гуруҳ учун соябонли майдончада анжомлар сақланадиган омборхона (6 m2) бўлиши лозим.

Кўришда нуқсони бўлган ва кўзи ожиз болалар учун турли мақсадлардаги маконларни ўзлаштириш ва компенсация реакцияларини ривожлантиришга мўлжалланган махсус майдончаларни ҳисобга олиш керак. Бунда, грунти шиббаланган ёки ўт билан қопланган кўп функционал универсал майдончалар ишлатилиши керак.

Майдончаларда стационар ёки йиғиладиган (таркиби лойиҳалаш топшириғи бўйича) ускуналар қўлланилиши лозим.

3 — 5 кишилик тинч дам оладиган майдончаларнинг асосий кириш жойида ва ҳудуднинг асосий хиёбонларида ўриндиқлар ва фавворалар инобатга олиниши керак.

Rasmiy manba: lex.uz. Matn holati: 05.11.2026. Lotin yozuvi — avtomatik o‘girilgan, rasmiy matn kirill yozuvida.

Qabul qilamiz

UzcardHumoVisaMastercard

To‘lov bank yoki to‘lov tizimining himoyalangan sahifasida amalga oshadi va 3D Secure bilan tasdiqlanadi. Karta ma’lumotlari saytimizda saqlanmaydi.