Normativ hujjatlar ШНҚ 2.08.06-23
ШНҚ 2.08.06-23, 123-банд
6-боб. Давлат ихтисослаштирилган таълим муассасалари ва кўп тармоқли ихтисослаштирилган мактабгача таълим ташкилотига қўйиладиган талаблар · 3-§. Ҳажмий-режавий ечимлар ва асосий хоналар
Давлат ихтисослаштирилган таълим муассасалари биноларининг ҳажмий-режавий ечимлари ШНҚ 2.01.02-04, ҚМҚ 2.01.03-19, ШНҚ 2.08.02-23, ШНҚ 2.01.04-18 ва ушбу ШНҚ талабларига мувофиқ белгиланиши керак.
Ёнғин хавфсизлиги ва эвакуация йўллари ШНҚ 2.01.02-04 ҳамда ШНҚ 2.08.02-23 ни ҳисобга олган ҳолда таъминланиши лозим.
Давлат ихтисослаштирилган таълим муассасалари хоналари қуйидаги асосий гуруҳлари асосида шакллантирилади:
мактабгача тайёрлов бўлимининг ўқув турар жой секциялари (гуруҳлар сони муайян шароитлар бўйича);
I — IV синфлар ўқувчилари учун ўқув турар жой секциялари;
V — ХI синфлар тарбияланувчиларининг яшаши учун турар жой секциялари;
ўқув хоналари (фанлар бўйича хоналар, табиий фанлар лабораторияси, ўқув-ишлаб чиқариш устахоналари);
маданий-маърифий хоналар (тўгараклар, санъаткорлар хоналарига эга мажлислар зали, фойе-кўргазма зали);
ўқув-спорт блоки (спортзал, тренажёр зали, бассейн, душхоналари ва санитария узеллари ва ечиниш хоналари);
тиббий блок (даволаш, реабилитация хоналари, шифокор хоналари, муолажа хоналари, изолятор);
маъмурий-хўжалик мақсадлари учун хоналар.
Давлат ихтисослаштирилган таълим муассасалари хоналари таркибида реабилитациялаш ихтисослашувига боғлиқ ҳолда коррекция машғулотлари, кўриш ва эшитиш идрокини ривожлантириш, талаффузни ўргатиш, ритмика, даволаш жисмоний тарбияси, ижтимоий-маиший йўналтириш бўйича ва бошқа машғулотлар учун хоналарни ҳисобга олиш керак.
Давлат ихтисослаштирилган таълим муассасалари хоналарининг таркиби ва майдонлари ушбу ШНҚнинг 4-иловасига мувофиқ олиниши керак.
Ҳар бир секция камида иккита алоҳида-алоҳида жойлаштирилган чиқиш йўлакларига эга бўлиши керак.
Хоналар билан боғланишлар коридорлар ва ўтиш жойлари (галереялар) орқали амалга оширилиши керак.
Кичик ёшдаги болалар учун таълим турар-жой секцияларининг хоналари биринчи қаватда жойлаштирилиши керак.
Кўзи ожиз болалар, мия церебрал фалажи ва таянч-ҳаракат аппаратида нуқсонлар бўлган болалар учун хоналар ҳам биринчи қаватда жойлашган бўлиши керак.
Турар жой хоналарининг иккинчи қаватда жойлаштиришга йўл қўйиш имконияти лойиҳалаш топшириғи билан белгиланиши керак.
Rasmiy manba: lex.uz. Matn holati: 05.11.2026. Lotin yozuvi — avtomatik o‘girilgan, rasmiy matn kirill yozuvida.