Умумий ўрта таълим, ўрта махсус ва касбий таълим ташкилотларида ахборот-ресурс марказлари (кутубхоналар) қуйидаги зоналарни ўз ичига олиши керак:
абонемент;
каталог ва адабиётни бериш;
ўқув зали;
китобларни сақлаш хонаси;
дарсликларни сақлаш ва таъмирлаш.
Ўқув залидаги ўриндиқлар сони қуйидагидан кам бўлмаслиги керак:
умумий ўрта таълим ташкилотларида — 20 ўрин;
ўрта махсус ва касбий таълим ташкилотларида — 30 ўрин.
Бунда, бир ўриндиққа 2.5 — 3.0 m2, шахсий компьютер олдидаги ўрин учун 4 — 6 m2 кўзда тутиш лозим.
Китоб омборининг майдони қуйидаги ҳисоб бўйича қабул қилиниши лозим:
очиқ фойдаланиш учун 1000 та китобга 5 m2;
ёпиқ сақлаш учун 1000 китобга 2,5 m2.
Сиғими 25 минг сақлаш бирлигига эга бўлган кутубхона битта хонага жойлаштирилишига йўл қўйилади.
Кутубхоналар қошида майдони 50 — 60m2 бўлган ўқувчилар гуруҳига мўлжалланган маънавият ва маърифат ўқув хонаси жойлаштирилиши лозим.
Ахборот-ресурс марказининг (кутубхоналар) умумий майдони битта ўқувчи ҳисобидан умумий ўрта таълим ташкилотларида 0,6 m2, ўрта махсус ва касбий таълим ташкилотларида — 2,5 m2 этиб қабул қилинишига йўл қўйилади.
(13-бандга Ўзбекистон Республикаси қурилиш ва уй-жой коммунал хўжалиги вазирининг 2026 йил 2 июлдаги 01/2-26-сон буйруғи (ҳисоб рақами 411, 25.07.2026 й.) билан ўзгартириш киритилган)
Rasmiy manba: lex.uz. Matn holati: 05.11.2026. Lotin yozuvi — avtomatik o‘girilgan, rasmiy matn kirill yozuvida.