Барча турдаги мактабгача таълим ташкилотлари (шу жумладан, соғломлантириш ва махсуслаштирилган), умумий ўрта ва ўрта махсус таълим, касбий таълим бинолари оловбардошлиликнинг II даражасидан паст бўлмаган қилиб лойиҳалаштирилиши лозим. Йўл қўйилган қаватлар сони 1-жадвалга мувофиқ бўлиши керак.
Ўқувчилар сони 630 кишидан кўп бўлмаган умумий ўрта таълим ташкилотларининг икки қаватли биноларини оловбардошлиликнинг III даражаси билан лойиҳалаштиришга йўл қўйилади.
Қишлоқ аҳоли пунктларида ўқувчилар сони 200 кишидан кўп бўлмаган оловга бардошлиликнинг IV даражасида бўлган умумий ўрта таълим ташкилотларининг бир қаватли биноларини лойиҳалаштиришга йўл қўйилади.
(190-бандга Ўзбекистон Республикаси қурилиш ва уй-жой коммунал хўжалиги вазирининг 2026 йил 2 июлдаги 01/2-26-сон буйруғи (ҳисоб рақами 411, 25.07.2026 й.) билан ўзгартириш киритилган)
| Т/б | Бино типлари | Қаватлилик (кўпи билан) |
|---|---|---|
| 2 | 3 | |
| 1. | Мактабгача таълим ташкилоти | 2 |
| 2. | Умумий ўрта ва ўрта махсус, касбий ва мактабдан ташқари таълим ташкилотлари | 5 |
| 3. | Жисмоний, ақлий, сенсор (сезги) ёки руҳий нуқсонлари бўлган, шунингдек узоқ вақт даволанишга муҳтож бўлган болаларни ўқитиш ҳамда тарбиялаш учун давлат ихтисослаштирилган таълим муассасалари (бундан буён матнда давлат ихтисослаштирилган таълим муассасалари деб юритилади) | 2 |
| 4. | Мактаб-интернатларининг ётоқ корпуслари, болалар соғломлаштириш оромгоҳларининг ётоқ корпуслари | 2 |
| 5. | Ўрта махсус, касбий ва олий таълим ташкилотларининг ўқув-лаборатория корпуслари | 5 |
(1-жадвалга Ўзбекистон Республикаси қурилиш ва уй-жой коммунал хўжалиги вазирининг 2026 йил 2 июлдаги 01/2-26-сон буйруғи (ҳисоб рақами 411, 25.07.2026 й.) билан ўзгартириш киритилган)
Изоҳлар:
Таълим ташкилотлари биноларининг қаватлилиги ҳудуд зилзилавийлигини ҳисобга олган ҳолда ҚМҚ 2.01.03-19 га мувофиқ аниқланади.
Rasmiy manba: lex.uz. Matn holati: 05.11.2026. Lotin yozuvi — avtomatik o‘girilgan, rasmiy matn kirill yozuvida.