Asosiy qismga o‘tish

Normativ hujjatlar ШНҚ 2.08.06-23

ШНҚ 2.08.06-23, 61-банд

4-боб. Мактабгача таълим ташкилотларига қўйиладиган талаблар · 3-§. Ҳажмий-режавий ечимлар ва асосий хоналар

61

Мактабгача таълим ташкилотлари биноларида мусиқа ва жисмоний тарбия машғулотлари учун заллар ҳисобга олиниши керак.

Мактабгача таълим ташкилотларида машғулотлар учун залнинг майдони қуйидагича қабул қилиниши лозим:

кичик, ўрта, катта ва мактабга тайёрлов гуруҳларида мусиқа машғулотлари учун зал майдони бир ўринга — камида 2 m2;

гимнастика машғулотлари учун зал майдони бир ўринга — камида 3 m2;

мусиқа ва жисмоний тарбия машғулотлари учун универсал зал бир ўринга — камида 4 m2 ҳисобидан.

Мусиқа ва жисмоний тарбия машғулотлари учун универсал заллар гуруҳдаги (20 нафар болага) ҳар бир болага 4-5 m2 бўлишини ҳисобга олган ҳолда 3 — 6 та мактабга тайёрлов гуруҳлари ҳисобидан кўзда тутилиши керак.

Мактабга тайёрлов гуруҳлари сони 6 тадан кўп бўлганда, алоҳида жисмоний тарбия ва мусиқа заллари ҳисобга олиниши керак.

Бунда, жисмоний тарбия (гимнастика) заллари камида 9х9 m (81 m2), мусиқа машғулотлари учун заллар камида 55 m2 бўлиши керак (1 нафар болага 2,8 — 3,0 m2 майдон ҳисобидан).

Заллар икки томондан кесиб ўтилмайдиган бўлиши лозим.

Мактабга тайёрлов гуруҳлари сони 3 тадан кам бўлиб, болалар сони 60 нафардан ошмаганда, универсал залларни инобатга олмасликка йўл қўйилади.

Заллар таркибида инвентарлар сақлаш омборлари инобатга олиниши керак.

Rasmiy manba: lex.uz. Matn holati: 05.11.2026. Lotin yozuvi — avtomatik o‘girilgan, rasmiy matn kirill yozuvida.

Qabul qilamiz

UzcardHumoVisaMastercard

To‘lov bank yoki to‘lov tizimining himoyalangan sahifasida amalga oshadi va 3D Secure bilan tasdiqlanadi. Karta ma’lumotlari saytimizda saqlanmaydi.