Ушбу ШНҚда қуйидаги атамалар ва уларнинг таърифлари қўлланилган:
мобил бино — конструкцияси бир жойдан иккинчи жойга кўчиришга имкон берувчи ҳамда заводдан комплект ҳолда етказиб бериладиган вақтинчалик бино ёки иншоот;
платформа — икки томондан келиш йўллари ташкил этилган (бир томондан темир йўлга туташиши мумкин) юклаш ва юкни тушириш учун мўлжалланган иншоот;
док — бинонинг юк машиналари ёки темир йўл вагонлари учун юклаш ва юкни туширишга мўлжалланган қисми;
рампа — бир томондан омбор биносига, иккинчи томондан автомобиль келиш йўлига ёки темир йўлига туташган ҳамда юклаш ва юкни тушириш учун мўлжалланган иншоот;
техник қават — бинонинг муҳандислик ускуналарини жойлаштириш учун мўлжалланган қават;
стеллаж — омборда юкларни сақлаш учун қўлланиладиган, металл устунлар, тўсинлар ва кўндаланг балкалар, ёки балкаларга қотирилган кўп қувватли тўшамалар (токчалар)дан иборат бўлган махсус қурилма;
штабель — ёғоч материалларининг текис тахланган қатори.
Rasmiy manba: lex.uz. Matn holati: 05.11.2026. Lotin yozuvi — avtomatik o‘girilgan, rasmiy matn kirill yozuvida.