Normativ hujjatlar SHNQ 2.01.03-26
SHNQ 2.01.03-26, 397-band
6-bob. Yer osti inshootlari va muhandislik tarmoqlari · 3-§. Oqova suvlarni chiqarib yuborish tarmoqlari
Oqova suvlarni chiqarib yuborish tarmoqlari mustahkamligi ushbu SHNQning 366 — 384-bandlarida keltirilganidek, seysmik taʼsirlarni eʼtiborga olib, statik hisob asosida quvurning materiali va mustahkamlik sinfini tanlash yoʻli bilan taʼminlanadi.
Bunda KN koeffitsiyentining qiymatlari 26-jadvaldan aniqlanadi.
Oqova suv tarmoqlari va kollektorlarining seysmik mustahkamligi quvur materiali va mustahkamlik sinfini hisoblash asosida tanlash orqali taʼminlanishi lozim.
Bosimli quvurlarning seysmik hisobi ushbu SHNQning 371 — 384-bandlari talablariga muvofiq bajariladi.
Bosimsiz quvurlar uchun hisobda quvur va ulama-choklarning germetikligi, grunt bilan oʻzaro taʼsiri, ulama-choklardagi ruxsat etilgan siljishlar va deformatsiyalar hisobga olinishi lozim. Bunda KNkoeffitsiyenti quyidagi 26-jadval boʻyicha qabul qilinadi.
| Quvurlar | KN qiymatlari |
| Poʻlat | 0,12 |
| Choʻyan | 0,12 |
| Temirbeton bosimli va bosimsiz | 0,15 |
| Asbest-sement bosimli va bosimsiz | 0,25 |
| Polimer (plastmassa) | 0,20 |
Rasmiy manba: lex.uz. Matn holati: 15.10.2026. Rasmiy matn lotin yozuvida.