Asosiy qismga o‘tish

Normativ hujjatlar ШНҚ 2.08.06-23

ШНҚ 2.08.06-23, 58-банд

4-боб. Мактабгача таълим ташкилотларига қўйиладиган талаблар · 3-§. Ҳажмий-режавий ечимлар ва асосий хоналар

58

Мактабгача таълим ташкилотлари баландлиги ушбу ШНҚнинг 7-банди ва 1-жадвалига мувофиқ, икки қаватгача бўлган алоҳида биноларда жойлаштирилиши керак.

Зич қурилиш ва ер майдонининг етишмаслик шароитларида уч қаватдан ортиқ бўлмаган биноларни қуриш ёки мактабгача таълим ташкилотларини қайта ихтисослаштиришга йўл қўйилади.

Учинчи қаватда маиший хизмат ва рекреация хоналари, болалар билан ишлаш учун мўлжалланган қўшимча хоналарни (психолог, логопед хонаси ва болалар билан индивидуал равишда ишлаш учун бошқа хоналар) жойлаштиришга йўл қўйилади.

Мактабгача таълим ташкилотлари биноларида совуқ мавсум учун ҳисобий ҳаво ҳарорати ва ҳаво алмашинувининг вақт бирлигидаги интенсивлиги мазкур ШНҚнинг 5-иловасига мувофиқ бўлиши керак.

1-жадвал
Т/бБино типлариҚаватлилик (кўпи билан)
23
1.Мактабгача таълим ташкилоти2
2.Умумий ўрта ва ўрта махсус, касбий ва мактабдан ташқари таълим ташкилотлари5
3.Жисмоний, ақлий, сенсор (сезги) ёки руҳий нуқсонлари бўлган, шунингдек узоқ вақт даволанишга муҳтож бўлган болаларни ўқитиш ҳамда тарбиялаш учун давлат ихтисослаштирилган таълим муассасалари (бундан буён матнда давлат ихтисослаштирилган таълим муассасалари деб юритилади)2
4.Мактаб-интернатларининг ётоқ корпуслари, болалар соғломлаштириш оромгоҳларининг ётоқ корпуслари2
5.Ўрта махсус, касбий ва олий таълим ташкилотларининг ўқув-лаборатория корпуслари5

(1-жадвалга Ўзбекистон Республикаси қурилиш ва уй-жой коммунал хўжалиги вазирининг 2026 йил 2 июлдаги 01/2-26-сон буйруғи (ҳисоб рақами 411, 25.07.2026 й.) билан ўзгартириш киритилган)

Изоҳлар:

Таълим ташкилотлари биноларининг қаватлилиги ҳудуд зилзилавийлигини ҳисобга олган ҳолда ҚМҚ 2.01.03-19 га мувофиқ аниқланади.

Rasmiy manba: lex.uz. Matn holati: 05.11.2026. Lotin yozuvi — avtomatik o‘girilgan, rasmiy matn kirill yozuvida.

Qabul qilamiz

UzcardHumoVisaMastercard

To‘lov bank yoki to‘lov tizimining himoyalangan sahifasida amalga oshadi va 3D Secure bilan tasdiqlanadi. Karta ma’lumotlari saytimizda saqlanmaydi.